Një grua ka vdekur nga lëndimet e rënda në kokë pasi u hodh nga një taksi në lëvizje gjatë një debati për një biletë prej 3.30 £ në Kolumbi.
Maria del Carmen Cárdenas Matanza, e cila ishte 30 vjeçe, mendoi se taksisti po e ngarkonte shumë, duke e shtyrë atë të hidhej nga automjeti.
Incidenti ndodhi në Alameda del Rio, në lagjen Norte-Centro Historico të qytetit Barranquilla, në departamentin verior të Atlantikut të Kolumbisë, më 26 korrik dhe gruaja e plagosur vdiq në spital të dielën, më 6 gusht.
Sipas raportimeve, shoferi dhe pasagjeri filluan të debatonin për tarifën.
Në këtë moment, ajo dyshohet se hapi derën e taksisë dhe u hodh jashtë ndërsa makina po largohej me shpejtësi.
Maria goditi kokën në rrugë dhe pësoi lëndime të rënda në kokë, raportojnë mediat lokale.
Më pas ajo u dërgua me urgjencë në një spital aty pranë, ku vdiq pas 11 ditësh në terapi intensive. Sipas policisë taksisti e ka dërguar në spital ku 11 ditë më pas ka ndërruar jetë.
Çmimi për të cilin Maria dhe shoferi i taksisë debatuan ishte vetëm 17,000 pesos kolumbiane, ose 3,31 £ (rreth 4 €), sipas raporteve lokale.
Policia kolumbiane po heton për të përcaktuar se kush është përgjegjës për vdekjen e gruas së re.
