Me kostot në rritje të transportit dhe bllokadës nga ana e Rusisë të porteve të tyre, mijëra fermerë të Ukrainës po përballen me një të ardhme të zymtë.
1Viktor Tsvyki normalisht eksporton deri në 90 për qind të të korrave të tij nga porti jugor i Ukrainës, Odesa. Edhe pse prodhimi i këtij viti është 20 për qind më i madh se ai i vitit të kaluar, gjë që do të kishte qenë një ndihmë në kohë paqeje, në kohë lufte, kostot e tepruara të prodhimit dhe bllokimi nga Rusia i porteve të Detit të Zi të Ukrainës e kanë bërë transportin e grurit jashtëzakonisht të shtrenjtë.
2Rusia u tërhoq muajin e kaluar nga marrëveshja e kohës së luftës, sipas së cilës Ukrainës i lejohej të transportonte drithë në mbarë botën. Ashtu si shumë nga fermerët e Ukrainës, prodhimi i Tsvykut është po ashtu i bllokuar. Duke mos pasur mënyrë për ta shitur, shqetësimi i tij tani është se si të qëndrojë në këmbë financiarisht.
Kur u pyet se si e parashikon të ardhmen e biznesit të tij dhe 77 punëtorëve që varen prej tij për jetesën e tyre, Tsvyk thotë: “Është shumë e dhimbshme për të folur”.
3Që nga përfundimi i marrëveshjes, Rusia ka vënë në shënjestër portet e Ukrainës dhe veçanërisht hambaret e saj të drithit, si ky i goditur në orët e hershme të mëngjesit të 16 gushtit pranë Odesës. Ukraina është kundërpërgjigjur duke shënjestruar portet e Rusisë, gjë që ka çuar në rritje të çmimeve të grurit dhe misrit në tregjet globale.
4Me drithin që ishte burimi kryesor i të ardhurave të fermës, produktet e Tsvykut shkuan deri në Indi dhe në vendet e varfëra në Afrikën e Veriut, thotë ai. Me të vetmet opsione të tjera që janë më të kushtueshme – rrugët hekurudhore dhe lumore nëpër Evropë – që kanë nxitur reagime nga vendet fqinje, drithi i tij ka të ngjarë të vendoset në depo magazinimi, duke i kushtuar atij humbje prej dhjetëra mijëra dollarësh.
5Fermerët duke korrur rreth një krateri të krijuar nga një raketë e hedhur nga forcat ruse. Me bllokimin e porteve të tyre, përveç rrezikut nga municionet e pashpërthyera që kanë mbushur fushat e tyre dhe zvogëlimit të fuqisë punëtore pasi njerëzit e aftë për punë drejtohen në front, shumë nga fermerët ukrainas po përpiqen t’u ofrojnë prodhimet e tyre vendeve në zhvillim që janë duke luftuar me urinë.
6Ferma e madhe e Tsvykut në Zhurivka, rreth 85 kilometra në lindje të Kievit, prodhon jo vetëm grurë, por edhe djathë të mirë dhie.
7Derisa katër nga punonjësit e Tsvyk janë larguar për t’iu bashkuar luftës, ata që kanë mbetur kanë korrur dhe ruajtur grurin e tij dhe po përgatiten për sezonin e ardhshëm.
8Me mundësitë aktualisht të kufizuara, shumë fermerë po zgjedhin të mos mbjellin fare kultura bujqësore. Prodhimi i misrit dhe grurit në Ukrainën e varur nga bujqësia është ulur për gati 40 për qind këtë vit nga nivelet e paraluftës, thonë analistët.
9Megjithëkëtë, disa fermerë janë orientuar te produktet e tjera, si vaji i lulediellit, për të nxjerrë disa fitime.
10Një punëtor duke mbledhur grurin në një hambar.
11Viktor Tvysk duke kontrolluar mënyrën e ruajtjes së djathit të dhisë. Ka strategji të tilla si shkëmbimi që Tsvyk ka përdorur për ta mbajtur fermën në këmbë. Por, ai nuk pret të ketë fitim – të mund të qëndrojë është më e mira për të cilën mund të shpresojë.
