Kryetari i Aleancës për Ardhmërinë e Kosovës Ramush Haradinaj, e ka porositur kryeministrin e Kosovës Albin Kurtin, që ta ndërpresë procedurën e rrëzimit të kryetarëve në komunat në veri.
Haradinaj tha se Kurti duhet të vazhdojë me strategji të re.
Ai shtoi se duhet dorëheqje e kryetarëve atje.
“Ashtu do të binden edhe aleatët se je për zgjidhje, e jo për kriza të reja në veri të vendit”, ka shkruar Haradinaj në Twitter.
Albin, ndërpreje procedurën e rrëzimit të kryetarëve në komunat veriore me peticion.
Vazhdo me një strategji të re, me dorëheqjen e kryetarëve. Ashtu do të binden edhe aleatët se je për zgjidhje, e jo për kriza të reja në veri të vendit.
— Ramush Haradinaj (@haradinajramush) August 17, 2023
