|Janë arrestuar tre të dyshuar për dy raste të ndryshme të vjedhjeve në Gjakovë.
Dy ditë më parë, ankuesit meshkuj kishin raportuar rastin për vjedhje të parave dhe kamerës së sigurisë.
“Në njërin rast është raportuar vjedhja e disa mjeteve të punës në vlerë rreth 700 euro, në një punëtori në rrugën “Avdullah Babalija”, ndërsa në rastin tjetër është raportuar se në një shtëpi në rrugën “Agim Haxhiavdyli” persona të panjohur, pasi kishin thyer një dritare, kishin hyrë brenda dhe kishin vjedhur një kamerë sigurie”, ka njoftuar Policia.
Në posedim të tyre janë gjetur dhe sekuestruar mjetet e punës të cilat ishin vjedhur në rastet e raportuara.
