Policia e Kosovës ka bërë të ditur se ka ndaluar një të dyshuar, i cili në mënyrë të kundërligjshme kishte sjellë në Kosovë pemë dhe perime nga Serbia.
Policia ka njoftuar se ai ishte ndaluar në fshatin Stublinë të Gjilanit, teksa rasti po trajtohet si kontarbandë me mallra dhe kalim ilegal i kufirit.
“Njësiti policor ka ndaluar automjetin furgon me targa vendore të cilin kishte qenë duke e drejtuar i dyshuari mashkull kosovar. I dyshuari në automjet kishte pasur të ngarkuara pemë dhe perime të cilat i kishte përmes rrugëve alternative jashtë vendkalimeve kufitare në mënyrë të kundërligjshme nga territori i Serbisë, fshati Dobrosin dhe kishte hyrë në territorin e Kosovës në fshatin Stublinë të Gjilanit”, thuhet në raportin ditor të PK-së.
Tutje u bë e ditur se me urdhër të prokurorit malli i kontrabanduar është sekuestruar dhe dërguar në terminal doganor, dhe ndaj të dyshuarit është iniciuar lënda dhe së bashku me automjet është liruar në procedurë të rregullt.
