Dogana e Kosovës ka zbuluar një sasi të mallrave të kontrabanduara në një lokal në Kamenicë. Sipas njoftimit për media, pas pranimit të informacionit përmes rrugëve operative, zyrtarët doganor të antikontrabandës kanë kryer kontrolle te një biznes, ku edhe kanë hasur në një sasi të konsiderueshme të cigareve, duhanit të grirë dhe cigareve elektronike.
“Mallrat e kontrabanduara janë sekuestruar dhe janë nisur procedurat kundërvajtëse ndaj biznesit”, thuhet në njoftim.
Dogana e Kosovës njoftojnë se kanë aplikacionin “e-Dogana” për pajisjet e mençura android dhe ios, i cili mundëson lajmërim të parregullsive dhe sjelljeve jo profesionale me komunikim të sigurt dhe gjithashtu ofron shërbime tjera me qëllim të shërbimit ndaj qytetarëve dhe komunitetit të prodhuesve dhe tregtisë në përgjithësi.
