Një nënkolonel i policisë ruse u vra në një sulm me dron ndërsa po kositte lëndinën e tij në një vendbanim afër kufirit me Ukrainën, sipas raporteve lokale. Alexei Chernykh , nënkryetari i degës lokale të policisë kundër korrupsionit, ishte duke bërë punë në oborr në rezidencën e tij rurale në fshatin Shetinovka, rajoni Belgorod, kur një dron hodhi një bombë në pronën e tij, njoftoi kanali i njohur rus Telegram Baza.
Ai kishte një ditë pushimi”
“Alexei kishte një ditë pushimi dhe po kosite fushën,” raportoi kanali. Zyrtari ishte 39 vjeç. Shtëpia e tij ndodhej vetëm gjysmë kilometër larg kufirit me Ukrainën, sipas një raporti nga një tjetër kanal Telegram, Belgorod. Më herët, Guvernatori i Belgorodit Vyacheslav Gladkov akuzoi Ukrainën për lëshimin e një droni që vrau “civilët” në Shetinovka.
Guvernatori nuk e përmendi emrin e viktimës në postimin e tij në Telegram duke komentuar sulmin. Gladkov tha se burri vdiq nga plagët e predhave pasi një eksploziv ra në “shtëpinë e tij verore” ndërsa ai po kositte barin. Ukraina nuk ka komentuar incidentin vdekjeprurës në Belgorod dhe pothuajse kurrë nuk ka marrë përgjegjësinë për sulmet brenda Rusisë, të cilat janë intensifikuar ndjeshëm muajt e fundit. Për shkak të afërsisë me kufirin, zona e Belgorod regjistron sulme me dron pothuajse çdo ditë.
