Aktivistët për të drejtat e komunitetit LGBT thonë se rikthimi i talebanëve në pushtet në Afganistan në vitin 2021, ka rezultuar me diskriminim, torturë, madje edhe me vrasje.
Një burrë homoseksual tha për Radion Evropa e Lirë se i është dashur të ndërpresë shkollimin për të mbrojtur identitetin e vet, teksa një tjetër tha se ai me të dashurin tij u torturuan nga talebanët dhe u detyruan të zotoheshin se do të hiqnin dorë nga marrëdhëniet me gjininë e njëjtë.