Në një varkë me vela në Oqeanin Atlantik janë kapur 2,7 tonë kokainë, ndërsa organizatori i këtij grupi të krimit të organizuar SK (70) është arrestuar në Serbi me tre të dyshuar të tjerë.
Përveç SK, në Serbi janë arrestuar edhe anëtarët e këtij grupi të organizuar kriminal NS (35), NS (43) dhe BK (40). Hetimet për këtë grup të organizuar kriminal janë iniciuar nga policia kriminale e Departamentit të Policisë së qytetit të Beogradit në janar të vitit 2022 për shkak të dyshimit se ka qenë i përfshirë në kontrabandën me shumicë të kokainës nga Amerika e Jugut drejt BE-së, si dhe aktivitetet kundër ky rrjet u shtri edhe në forcat e tjera policore botërore dhe një hetim i koordinuar nga Europoli, në kuadër të grupit operativ të punës “Balkan Carteli”.Autoritetet kompetente të Spanjës, Brazilit, Kroacisë, Francës, Polonisë, Portugalisë dhe Sllovenisë morën pjesë në operacionin, i cili u drejtua nga Serbia, me koordinim të Europolit.
Më 24 gusht të këtij viti, në bazë të një pune të përbashkët operative janë arrestuar gjashtë persona, katër prej tyre në territorin e Serbisë, janë kontrolluar 15 banesa, 2.7 ton kokainë, dy automjete të klasit të lartë, ora të shtrenjta dhe mbi 550.000. euro janë sekuestruar. Gjithashtu, në kuadër të hetimit financiar u bllokuan një numër i madh llogarish bankare dhe pronash.
Dyshohet se ky grup i krimit të organizuar transportonte kokainë nga Amerika e Jugut, se siguronte varkat me vela dhe se dërgesat bëheshin duke përdorur një platformë komunikimi të koduar.
Në këtë aksion Ministria e Punëve të Brendshme e Republikës së Serbisë edhe një herë tregoi se është një partner i besueshëm dhe udhëheqës në shtypjen e tregtisë ndërkombëtare të drogës dhe në luftën kundër krimit të organizuar.
