Ashtu edhe siç pritej, kampionia e Kosovës, Drita ka mposhtur Feronikelin, në ndeshjen e vlefshme për xhiron e dytë të Superligës A, femrat, të dielën.
“Intelektualet” ishin favorite në letër para përballjes me “Niklin”, ekip që përbëhet kryesisht nga volejbolliste të reja, por premtuese.
Vashat e trajnerit Lorik Ilazi triumfuan me rezultat 3-0, duke kryer punë shpejt ndaj rivaleve nga Drenasi.
Drita fitoi setin e parë me rezultat të thellë 25-7, të dytin 25-10, për të siguruar fitoren e dytë në po aq javë pas setit të tretë, të cilin e fituan me lehtësi, 25-4. /Kosovatimes/
