Erdogan lindi në lagjen Kasımpaşa të Stambollit, në një familje të shpërngulur nga vilajeti i Rizës.
Fëmijërinë e kaloi në Riga, qytet ku babai i tij ishte pjesëtar i rojes bregdetare turke. Familja e tij u kthye në Stamboll kur ai ishte 13 vjeç. Si adoleshent, Erdogan shiste limonadë dhe pasta të susamit në rrugët e qytetit për të fituar para shtesë.
Ai u rrit në një familje të devotshme myslimane. Ai u diplomua në shkollën fillore Piyale Kasımpaşa në vitin 1965 dhe ndoqi shkollën e mesme profesionale fetare Imam Hatip të Stambollit deri në vitin 1973. Në të njëjtin vit mbaroi shkollën e mesme në Eyüp të Stambollit. Më pas ai studioi menaxhim biznesi në distriktin Aksaray në Shkollën e Shkencave Ekonomike dhe Tregtare, tani Fakulteti i Shkencave Ekonomike dhe Administrative të Universitetit të Marmarasë.
Në rininë e tij, Erdogan ka luajtur futboll gjysmë profesional në një klub lokal. Fenerbahçe e famshme ka dashur ta transferojë Erdoganin në klub, por babai i tij e ka penguar.
Fillimet e një karriere politike
Ndërsa studionte për menaxhim biznesi, Erdogan merrej me futboll gjysmë-profesionist dhe politikë. Ai u bashkua me Unionin Kombëtar Turk të Studentëve antikomunistë. Ai shkroi, drejtoi dhe luajti personazhin kryesor në shfaqjen Maskomya në 1974, në të cilën masoneria, komunizmi dhe judaizmi u portretizuan si të këqij.
Ai u bë presidenti i të rinjve të Partisë Islamike të Shpëtimit Kombëtar në vitin 1976 në Beyoğlu.
Po atë vit u gradua në detyrën e kryetarit të degës së rinisë së partisë në Stamboll.
Gjithçka tjetër është histori.(SB)
