Aleanca për Ardhmërinë e Kosovës, ka organizuar një tryezë në të cilën po debatohet për çështjen e arsimit në Kosovë, sfidat dhe problemet, që presin zgjidhje.
Në këtë tryezë, përpos bartësve të strukturave të kësaj partie, pjesëmarrës ishin edhe përfaqësues nga SBASHK-u, përfaqësues nga drejtoritë komunale për Arsim, etj.
Nga të pranishmit u vunë në pah shumë probleme me të cilat po ballafaqohet sistemi arsimor në vend.
Kështu, kryetari i SBASHK-ut, Rrahman Jasharaj, mes tjerash vuri theksin te problemet për furnizimin e nxënësve me libra shkollorë. Ai, me këtë rast ka bërë ftese mësimdhënësve që të përqendrohen ta sistemi arsimor, jo te furnizimi me libra, duke vënë theksin te Ministria e Arsimit dhe tek qeveria e vendit.
“Ta ngrisni zërin, jo për tekstet por për arsimin, gjithë këto të meta po ndodhni pasi që Nagavci është duke mësuar qasjen e gabuar të kryeministrit Kurti, që t’i nënçmojë sindikatat dhe të mos flas me ta. MASHT-i nuk po na pyet asgjë, ka shtatë muaj që Nagavci nuk na takon dhe gjuan fjalë nga anash”, ke dekalruar Jasharaj.
Nga të pranishmit u përmendën disa nga sfidat që po ballafaqohen nëpër komuna gjithandej vendit.
Një nga problemet që po ballafaqohen mësuesit është edhe çështja shëndetësore, derisa përmendën raste me sëmundje kronike e që duhet vazhduar të asistojnë në punë, në procesin mësimor.
Veç kësaj, në këtë tryezë u diskutua edhe për mungesën e rezultateve në moskonkretizimin e planeve në procesin mësimor, duke vënë në dukje se në MASHT ka vetëm fjalë por asgjë konkrete.
Kështu, në planet e planifikuara nga MASHT në ndërtimin e çerdheve për fëmijë, asnjë nga këto premtime të planifikuara nuk janë realizuar.
Ndërkaq deputeti Dreshaj, bëri krahasimin e periudhën e punës së arsimit ndërmjet kohës së sotme dhe në vitet ’90-ta
“Nuk jemi në komunizëm ku të gjithë hamë njësoj apo të vozisim një biçikletë, por të bëhet ma shumë, për pensionistë për arsimin”, deklaroi deputeti Dreshaj.
Ndërsa Besnik Tahiri, kryetari i GP të AAK-së, tha se vendimin e qeverisë e konsiderojmë të jashtëligjshëm, ngase nuk është konsultuar me personelin e arsimit, një vendim që, siç tha ai, ka çrregulluar sistemin e arsimit në furnizimin me libra, teksa renditi një varg problemesh që presin zgjidhje nga MASHT.
