Ambasadori i Kosovës në Arabin Saudite Lulzim Mjeku është ndier tejet i kënaqur në Panairin Ndërkombëtar të Librit në Rijad i cili u mbyll ditë më parë me prezantimin edhe të botimeve për Kosovë. Ai në një postim në profilin e tij në facebook shkruan:
“…në shtandin e botuesit Al Alaan nga Jordania dhe të kem në dorë botimet për shqiptarët dhe për Kosovën në gjuhën arabe nën përkujdesjen e akademik Muhamed Mufakut Alarnaoot. Pas botimit vitin e kaluar të librit me udhë përshkrime, “Sijahatname, Përzgjedhje për shtetet e Ballkanit”, të Evlija Qelebiut, ku paraqiten të gjitha trojet shqiptare, po nën përkujdesjen e studimin e prof. Muhamed Mufakut, sivjet pata rastin të shohë botimet më të reja si; “Hasan Kaleshi: Islami, Kultura dhe Politika në Ballkan”, Studime të Zgjedhura me rastin e 100 vjetorit të lindjes së tij, përkthyer e përgatitur nga Dr. Muhamet Alarnaoot dhe “Shemsudin Sami Frashëri, Gërshetim mes Osmanizmit, Nacionalizmit dhe Islamit”, përgatitje dhe prezantim Dr. Muhamet Alarnaoot dhe “Shpërngulja e Shqiptarëve në Damask në shekullin XX dhe kontributi i tyre në jetën kulturore”, nga Dr. Muhamed Alarnaoot.
Komplimente për punën shumë të vyeshme të prof. Mufakut për praninë e kulturës shqiptare në panairin më të madh të librit në botën arabe. /Kosovatimes/
