Dogana e Kosovës ka njoftuar se ka konfiskuar mallra me vlerë 10 mijë euro në Fushë-Kosovë si pjesë e vazhdimit të aksionit për parandalimin e auto-pjesëve dhe instrumenteve tabelorë në pikën kufitare në Vërmircë më datë 11 shtator.
Sipas njoftimit të Doganës, si rezultat i hetimeve është arritur të lokalizohet objekti ku këto pjesë të veturave tregtoheshin në mënyrë të padeklaruar.
“Pas identifikimit të lokacionit është bërë edhe bastisja e këtij lokacion në Fushë Kosovë. Në objekt janë gjetur pjese rezervë, ulëse dhe pjese të tjera të enterierit të veturave. Personat përgjegjës nuk ka pasur dokumentacion përkatës dhe dyshohet se është i kontrabanduar në territorin e Republikës së Kosovës. Vlera e mallit të konfiskuar llogaritet të jetë rreth 10,000 Euro”, theksohet në njoftim. Për rastin është njoftuar edhe Prokuroria Themelore në Prishtinë.
