Policia e Kosovës njofton se ka arrestuar dy persona, taksistë në Aeroportin e Prishtinës, pasi dyshohet se kishin sulmuar një person, i cili po ashtu ishte punëtor taksi.
Sipas policisë, mosmarrëveshja mes tyre kishte lindur për shkak se taksisti që u sulmua ishte punëtor i një kompanie tjetër që kishte shkuar në aeroport për t’i marrë disa pasagjerë.
“ANP-Adem Jashari 15.09.2023-22:43. Janë arrestuar dy të dyshuar meshkuj kosovarë (taksist në ANP), pasi të njëjtit pas një mosmarrëveshje lidhur me shërbimet për pasagjerë, kanë sulmuar fizikisht viktimën mashkull kosovar punëtor taksie në një kompani tjetër, i cili kishte shkuar në ANP për të marrë pasagjerë”, thuhet në njoftim.
Tutje thuhet se viktima ka pësuar lëndime dhe është dërguar në QKUK për trajtim mjekësor, ndërsa dy të dyshuarit pas intervistimit, me urdhër të prokurorit janë dërguar në mbajtje.
