Administrata Tatimore e Kosovës, ju njofton se bazuar në Ligjin në fuqi për Administratën Tatimore dhe Procedurat, Ligjin Nr. 06/L-113 për Organizimin dhe Funksionimin e Administratës Shtetërore dhe Agjencive të Pavarura, si dhe në përputhje me Ligjin Nr. 08/L-176 për Ndryshimin dhe Plotësimin e Ligjeve që Përmbajnë Procedura të Veçanta Administrative dhe Harmonizimin e tyre me Ligjin Nr. 05/L-031 për Procedurën e Përgjithshme Administrative, ka nxjerr Rregullore të Brendshme ATK Nr. 02/2023 me të cilën plotëson/ndryshon Procedurat e Rimbursimit.
Qëllimi i Rregullores së Brendshme ATK Nr. 02/2023 mbi Procedurat e Rimbursimit është që përmes krijimit të procedurave të shkruara të përcaktohen veprimet ligjore që do të ndërmerren në rastet kur bëhet fjalë për zbatimin e dispozitave ligjore për rimbursime të Tatimit mbi Vlerën e Shtuar (TVSH), Tatimit në të Ardhura Personale (TAP) dhe Tatimit në të Ardhura të Korporatave (TAK).
Kjo Rregullore e Brendshme shfuqizon “Rregulloren e Brendshme mbi Procedurat e Rimbursimit Nr.1/2020, të datës 12.02.2020 me Nr. Protokolli 09-06-708”.
Kjo Rregullore e Brendshme hyn në fuqi në datën e nënshkrimit nga Drejtori Ekzekutiv i ATK.
Rregulloren e Brendshme ATK Nr. 02/2023 mbi Procedurat e Rimbursimit, mund ta gjeni në ueb faqen e ATK-së www.atk-ks.org në linkun Për Tatimpaguesit – Udhëzues, Manuale dhe Rregullore. /Kosovatimes/
