Ministrja e Jashtme gjermane Annalena Baerbock ka komentuar zhvillimet e fundit në veri të Kosovës, ku një pjesëtar i policisë së Kosovës mbeti i vrarë në një sulm terrorist.Baerbock shkroi se Serbia duhet të bëjë thirrje për t’i dhënë fund dhunës.
Nach dem Angriff auf die Polizei in #Kosovo muss sich jeder seiner Rolle für Frieden bewusst sein. In der angespannten Lage auf dem Westbalkan misst sich Verantwortung daran, was man für #Deeskalation tut. Gerade auch Serbien muss unzweideutig zum Gewaltverzicht aufrufen.
— Außenministerin Annalena Baerbock (@ABaerbock) September 26, 2023
“Pas sulmit ndaj policisë në Kosovë, të gjithë duhet të jenë të vetëdijshëm për rolin e tyre në paqe. Në situatën e tensionuar në Ballkanin Perëndimor, përgjegjësia matet me atë që është bërë për deeskalim. Serbia në veçanti duhet të bëjë thirrje pa mëdyshje për braktisje e dhunës”, shkroi Baerbock .
Kujtojmë se pas sulmit terrorist në të cilin mbeti i vrarë një polic i Kosovës dhe më pas u vranë së paku katër sulmues në operacionin antiterrorist të forcave të Kosovës, mesazhe të paqarta erdhën nga Serbia.Qeveria serbe shpalli të mërkurën ditë zie për vdekjen e katër sulmuesve dhe Aleksandar Vuçiq akuzoi kryeministrin e Kosovës Albin Kurti si fajtor për dhunën.
