Kreu i LDK, Lumir Abdixhiku. pas takimit me presidenten e Kosovës e cila mbajti një takim me forcat opozitare tha se është informuar mbi gjendjen e sigurisë në veri të vendit dhe angazhimin e institucioneve shtetërore – veçmas ato të sigurisë e inteligjencës – në përballje me sulmet terroriste gjatë ditëve të fundit; dhe jo vetëm.
Me këtë rast Abdixhiku shprehu mirënjohjen e Lidhjes Demokratike të Kosovës për të gjithë në shërbim. “Kam shprehur po ashtu domosdoshmërinë e unitetit nacional në përballje me sfidat që mund të vijnë nga Serbia; si shtet sponsorizues e strehues i terroristëve” tha ai. .
Ai tha se djemtë e vajzat tona fituan betejën kundër terrorizmit në terren.
“Është koha ta fitojmë atë diplomatike në politikë.
Në këtë përpjekje jemi bashkë. Në këtë përpjekje na duhen aleatë”, tha Abdixhiku. /Kosovatimes/
