Ambasadori i Republikës së Kosovës në Belgjikë, Luksemburg dhe BE, Agron Bajrami, njofton se mbrëmë së bashku me bashkatdhetarët tanë në Belgjikë, kanë vendosur lule dhe kanë ndezur qirinjtë në nderim të heroit Afrim Bunjaku.
“Sot, në Ambasadën e Republikës së Kosovës në Bruksel, përfaqësues nga komuniteti ynë në Belgjikë, kanë vendosur lule dhe kanë ndezur qirinjtë në nderim të heroit Afrim Bunjaku, rreshterit policor të rënë në detyrë, i vrarë nga terroristët e mbështetur dhe organizuar nga Serbia.
Bashkatdhetarët tanë janë gjithmonë të gatshëm dhe unik për të ofruar mbështetje për Republikën e Kosovës, demokratike, të pavarur dhe evropiane”.
Si dihet, polici Afrim Bunjaku, rreshter i Policisë së Kosovës, u vra në orët e para të së dielës, më 24 shtator, në Banjskë të Zveçanit, nga një grup terrorist i armatosur rëndë.
