Është arrestuar pjesëtari i ushtrisë serbe me dyshimin për vrasjen e tre civilëve shqiptarë gjatë luftës së fundit në Kosovë.
Sipas Policisë së Kosovës rasti ka ndodhur në Prizren me datën 01.09.1998 në orët e hershme të mëngjesit. Arrestimi i tij ka ndodhur dje në Mitrovicë.
“I dyshuari gjatë periudhës së luftës në Kosovë ka qenë i mobilizuar në forcat ushtarake serbe dhe me veprimet e tij në bashkëkryerje me pjesëtarë tjerë të grupit ushtarak paramilitar dyshohet se kishte privuar nga jeta tri viktima civile meshkuj shqiptarë”, thuhet në njoftimin e Policisë.
Bëhet e ditur se i dyshuari me vendim të prokurorit është dërguar në mbajtje.
