Autoritetet rumune njoftuan sot se do të dërgojnë rreth 100 ushtarë për të forcuar praninë e KFOR-it në Kosovë pas rritjes së tensioneve me Serbinë.
Bukureshti do të dërgojë kontigjentin e tij, shkroi në rrjetin social X ambasadori rumun në NATO Dan Necalescu.
NATO njoftoi të premten se është e gatshme të përforcojë forcat e KFOR-it, pas sulmit të armatosur të 24 shtatorit në veri të Kosovës, ku mbetën të vrarë një polic shqiptar i Kosovës dhe tre serbë.
Britania e Madhe, një anëtare e NATO-s, njoftoi javën e kaluar se do të dërgojë rreth 600 ushtarë në Kosovë për të përforcuar KFOR-in.
