Organizata për kulturë dhe edukim “Frymëzimi” po vazhdon aktivitetet në kuadër të projektit “Transformimi i shoqërisë përmes ndërgjegjësimit të të rinjve për të drejtat e njeriut” financuar nga zyra për barazi gjinore në kudër të Drejtorisë Komunale të Administratës të Komunës së Skenderajt.
Në kuadër të aktiviteteve, sot zhvilloi aktivitetet Klubi i Librit, në të cilin u diskutua në lidhje me librin “Sikur të isha djalë” të Haki Stërmillit.
Gjatë debatit u diskutua në lidhje me të drejtat dhe liritë e grave, duke potencuar dhe përmendur faktorët historikë, kulturorë dhe socialë.
Të pranishmit dhanë ide të ndryshme sesi të arrihet deri tek përmirësimi i lirive dhe të drejtave të njeriut në përgjithësi dhe grave në veçanti.
