Superliga e Kosovës në futboll, vazhdon sot pasdite me dy ndeshjet e fundit të javës së nëntë.
Padyshim se kryederbi është dueli mes Prishtinës dhe Ballkanit, ndeshje kjo që luhet në “Fadil Vokrri’ nën ndriçimin e reflektorëve dhe që nis në orën 20:00.
Përballja mes prishtinasve dhe suharekasëve, e cila do të gjykohet nga arbitri Ilir Mehmeti, pritet të sjellë një ndeshje tejet interesante pasi që të dy skuadrat synojnë fitore në këtë duel në mënyrë që të bëjnë hapin e madh në garën për kreun e tabelës.
Krahas duelit Prishtina-Ballkani, do të luhet edhe përballja mes Llapit dhe Lirisë, ndeshje që do të zhvillohet në “Zahir Pajaziti”.
Ballafaqimi mes llapjanëve dhe prizrenasve fillon në orën 15:00.
Sot takohen:
Llapi-Liria
Prishtina-Ballkani
