Policia e Kosovës ka arrestuar një person në Ferizaj, pasi këtij të fundit iu gjet një pushkë gjysmë automatike.
Në njoftimin e Policisë së Kosovës, thuhet se pasi policia ka pranuar një informacion se një person në rrugën ‘’Naim Beka’’ në Ferizaj posedon armë zjarri, njësia e Hetimeve i ka marrë veprimet e nevojshme dhe nën autorizim të prokurorit kujdestar nga Prokuroria Themelore në Ferizaj i ka nisur hetimet.
“Policët hetues kanë arritur të identifikojnë të dyshuarin A.L ( M/K) i moshës 69 vjeçar, tek i cili është gjetur një armë zjarri ( pushkë gjysmë automatike). I dyshuari është shoqëruar në stacionin e policisë në Ferizaj dhe pas intervistimit nga policët hetues, me vendim të prokurorit është liruar për procedurë të rregullt hetimore, ndërsa arma e zjarrit është konfiskuar”, thuhet në njoftim.
Tutje vazhdon raporti se rasti është cilësuar ‘’ Mbajtja në pronësi, kontroll ose posedim të paautorizuar të armëve ‘’
