Presidenti francez, Emmanuel Macron, ka folur shqip në Tiranë. Gjatë fjalës së tij pasi u nderua nga kryeministri Edi Rama, presidenti francez foli edhe për lidhjet e ngushta mes dy vendeve. Në fund të fjalës, ai dha edhe një mesazh në shqip duke thënë “rroftë miqësia franko-shqiptare”.
“Për ta mbyllur po e ngre gotën time për këtë vizion entuziast që kemi ne për vendin tuaj. Për Shqipërinë, popullin shqiptar, për lidhjet e ngushta dhe kaq të veçanta që na bashkojnë, për Evropën. Rroftë Shqipëria, rroftë miqësia franko-shqiptare”, u shpreh Macron.
