Ministri i Mbrojtjes, Ejup Maqedonci, priti në vizitë zyrtare ministrin e Mbrojtjes të Republikës së Turqisë, Yaşar Güler.
Ministri turk u prit me ceremoni zyrtare, shoqëruar me togun ceremonial të FSK-së. Të dy ministrat po mbajnë takimin kokë më kokë.
Po ashtu, ministri i Mbrojtjes së Turqisë, Güler, do të pritet në takim nga komandanti i FSK-së, gjenerallejtënant Bashkim Jashari.
Ministrin e Mbrojtjes së Republikës së Turqisë, Yaşar Güler, i cili gjendet për vizitë zyrtare në vendin tonë, sot do ta presë edhe presidentja e Kosovës, Vjosa Osmani.
