Këtë të diel, më datë 22 tetor, nga ora 10:00, në shkollën “Tefik Çanga” në Ferizaj do të zhvillohen xhirot e fundit për ligën e parë të Kosovës për meshkuj dhe femra.
Në kategorinë e meshkujve pritet të ketë ndeshje interesante midis ekipit ‘Kpp Gani Maloku’ dhe ‘Kpp Shkolla Prizreni’, të cilat tashmë e kanë siguruar kualifikimin për në Supërligën e Kosovës. Po ashtu, një ndeshje e rëndësishme pritet të jetë edhe ajo midis ‘Kpp Ahmet Hoxha MK’ dhe ‘Kpp Hasan Prishtina’.
Në kategorinë e femrave, ndeshja midis ‘Kpp Juniku’ dhe ‘Kpp Istogu’ pritet të jetë interesante. Ndërkaq, ‘Kpp Shpresa’ dhe ‘Kpp Juniku’ kanë siguruar matematikisht kualifikimin në Supërligën e Kosovës.
Gjithashtu, të dielën nga ora 11:30 do të zhvillohet shorti për ekipet që janë kualifikuar në fazën e Play Off-it në ligën e dytë të meshkujve. Këto ekipe do të ndeshen për të përcaktuar cilat prej tyre do të ngritën në ligën e parë të Kosovës. /Kosovatimes/
