Fillimisht ishte përkthimi zyrtar i bërë në Tiranë gjatë konferencës së përbashkët për shtyp, sipas të cilit, Macron thotë se “vizat janë pezulluar”. Kjo bëri që agjenci të rëndësishme lajmesh si AFP dhe Deutsche Welle të kërkojnë më shumë informacion për deklaratën e në fund ishte vetë zyra e Macron që sqaroi se “çështja është ende e hapur”.
Ajo që bie në sy në raportin e Deutsche Welle, në përkthimin që i është bërë Macron nuk flitet në asnjë vend për pezullim të liberalizimit të vizave, ndërsa AFP e ka lexuar deklaratën e Presidentit të Francës si një “kërcënim” për Kosovën.
Por gazetari dhe analisti politik Aleksander Cipa e cilesoi si te pasakte lajmin per pezullimin e vizave per Kosovë nga ana e Frances. “Kosoves s nuk i janë pezulluar vizat nga Franca! Presidenti i Francës Makron, nuk ka njoftuar pezullimim e vizave dhe lëvizjen e lirë të qytetarëve të Kosovës për në Francë.Pas lajmit të pasaktë, të shpërndarë me aq vrull dhe shpejtësi, zyra e Presidentit Makron jep këtë pergjigje:”The French presidency later clarified that the visa issue “remains open” at this stage”.So he’s actually saying that the visa-free regime for Kosovar citizens “for France depends on the respect of the promised words and the promised words have not been respected.”
Deklarata e Macron me Ramën
Lajmi në Deutsche Welle
Presidenti i Francës, Emmanuel Macron, tha në Tiranë më 17 tetor se Franca bëri një “gjest besimi sa i përket çështjes së vizave për Kosovën”.
“Dua ta them një gjë me shumë qartësi. Ne kemi bërë një gjest besimi për çështjen e vizave. Sa i përket Francës, ato [vizat] janë hequr sepse ne respektojmë fjalën e dhënë. E sot, fjala nuk po mbahet. Pres një angazhim real nga këto dy autoritete [Kosova dhe Serbia] që të ecin përpara në javët e ardhshme. Ky është vetë kushti për paqe në gjithë rajonin”, deklaroi Macron.
Nga disa media në Kosovë dhe Shqipëri është raportuar se Macroni ka deklaruar në Tiranë se Franca ka suspenduar vendimin për liberalizimin e vizave.
Agjencia franceze e lajmeve, AFP, lidhur me deklaratën e Macronit në Tiranë për vizat, tha se me këtë “ai e ka kërcënuar Kosovën me zhbërjen e vendimit të vizave”.
Zbatimi i vendimit për liberalizimin e vizave për Kosovën pritet të hyjë në fuqi më 1 janar 2024.
Saktësimi i zyrës së Macron
Zyra e Presidentit të Francës, Emmanuel Macron, ka thënë se çështja e liberalizimit të vizave për Kosovën ‘mbetet e hapur’, në një deklaratë për shtyp të martën pas deklarimit publik të presidentit Macron lidhur me pezullimin e procesit të vizave.
Presidenti Macron tha të martën në Tiranë se Franca mund ta pezullojë procesin e liberalizimit të vizave për Kosovës, për shkak “të mos respektimit të fjalës së dhënë”, duke e akuzuar Kosovën se nuk e mbajti fjalën e dhënë për formimin e Asociacionit.
Nga Zyra e Presidentit të Francës, janë sqaruar lidhur me këtë çështje përmes një deklarate për mediat shqiptare.
“Presidenti ka folur për tensionet mes Serbisë dhe Kosovës. Ai tha se cilat ishin kërkesat tona. Në këtë kontekst dhe duke marrë parasysh bllokadën e Prishtinës, presidenti vlerësoi se çështja e liberalizimit të vizave mbetet e hapur”, tha Zyra e Presidentit të Francës në një përgjigje për mediumin ABC News.
