Më 15 gusht 2022, Tunizia kërkoi ekstradimin e Abdesalem Lasoud.
Ministria belge e Drejtësisë e ka përcjellë kërkesën më 1 shtator të vitit të kaluar në prokurorinë publike në Bruksel, por rasti nuk është proceduar: gjyqtari kompetent nuk ka vepruar në lidhje me kërkesën për ekstradim.
Në total, në vitin 2022 janë përcjellë në gjykatë 31 kërkesa ekstradimi, 30 janë trajtuar, por ajo që ka të bëjë me Lasud-in jo.
Ishte Lasud ai që kreu sulmin terrorist.
– Ky është një gabim individual, historik dhe i papranueshëm me pasoja dramatike – tha ministri Van Quickenborn dhe shtoi se po merr përgjegjësinë politike duke dhënë dorëheqjen.
– Pavarësia e gjyqtarit është themeli i shtetit tonë të së drejtës. Unë e kam mbrojtur gjithmonë këtë parim dhe do të vazhdoj ta bëj këtë. Unë si ministër i Drejtësisë nuk mund të ndikoj në asnjë mënyrë në vendimet e gjyqtarit. Edhe pse ky ishte vendimi i një gjyqtari të pavarur, unë dua të marr përgjegjësinë politike për një gabim të papranueshëm. Në emër të Ministrisë së Drejtësisë u kërkoj sinqerisht falje viktimave dhe familjeve të tyre. Gjithashtu i kërkoj falje në emër të ministrisë popullit suedez, por edhe bashkatdhetarëve tanë belgë – tha ish-ministri.
Prokurori i Brukselit Demil foli për një “kombinim të pafat të rrethanave”.
Van Kueneckborn shtoi se një informacion nga shërbimi policor për radikalizimin e mundshëm tashmë është hetuar – si dhe deklarata të ndryshme të përfshira në bazën e të dhënave të policisë në lidhje me kërcënimet me vdekje ndaj një personi në qendrën e pritjes për azilkërkuesit dhe raporti pasues -.
Sulmi i së hënës ndodhi përpara një ndeshje futbolli mes Belgjikës dhe Suedisë.
Autori i terrorit, i cili në një video tha se akti i tij ishte islamik, u vra nga policia mëngjesin e së martës.
Disa media kanë raportuar të premten se terroristi është dënuar me 26 vjet burg në Tunizi dhe këtë informacion e ka konfirmuar agjencia e lajmeve Belga.
Në vendlindjen e tij, ai u dënua në vitin 2005 për tentativë vrasje dhe krime të tjera, por u arratis nga burgu në vitin 2011 dhe udhëtoi nëpër Evropë, duke përfunduar në Belgjikë.
