Nga shpërthimi i një makine bombë pranë bazës ushtarake në kryeqytetin e Somalisë, Mogadishu, kanë humbur jetën gjashtë persona, mes të cilëve katër ushtarë, njoftoi sot policia.
Zëdhënësi i policisë Sadik Dodishe tha se nëntë persona të tjerë, pesë prej të cilëve ishin ushtarë, u plagosën në shpërthimin në objektin ushtarak.
Organizata ekstremiste islamike Al-Shabaab mori përgjegjësinë për sulmin.
Fotot e postuara në rrjetin social Ex (ish Twitter) tregojnë shkallën e dëmit të shkaktuar nga shpërthimi, i cili shkatërroi bazën ushtarake dhe disa shtëpi civile në zonë.
Qeveria federale e Somalisë ka qenë duke luftuar me forcat al-Shabaab për vite me rradhë dhe forcat e sigurisë kanë shtuar sulmet ndaj grupit në muajt e fundit në një përpjekje për të çmontuar rrjetin e tij propagandistik.
Ministri i Informacionit Daud Awais u tha gazetarëve se autoritetet kishin mbyllur katër stacione radio të lidhura me grupin dhe kishin vrarë rreth 3,800 luftëtarë të tij gjatë një ofensive të fundit ushtarake.
