Këtë të shtunë, me datë 28 tetor, në hapësirën e shkollës ‘Tefik Çanga’ në Ferizaj, do të organizohen ndeshjet e fazës së Play Off për kategorinë U15 Meshkuj.
Katër ekipet e kualifikuara do të ndeshen me sistem i pari A kundër i dytë B, dhe i pari B kundër i dyti A.
Nga ora 10:00 pritet të fillojnë dy gjysmëfinalet në të cilat do të ndeshen ‘Lidhja e Prizrenit’ kundër ‘Vushtrria’, dhe ‘Ahmet Hoxha MK’ kundër ‘Shkolla Prizreni’, ndërsa nga ora 11:30 pritet të fillojnë ndeshja për vendin e tretë dhe finalja.
Në ditën e diel, më datë 29 tetor, në pallatin e rinisë dhe sporteve në Prishtinë do të organizohen 3 xhirot e mbetura për Ligën e Dytë të Kosovës për meshkuj. Këto ndeshje do të vendosin fituesin e Ligës së Dytë të Kosovës.
Dy ekipet që pozicionohen në pozitat e para do të promovohen dhe do të marrin pjesë në Ligën e Parë të Kosovës për sezonin e ardhshëm. /Kosovatimes/
