Sot është dita e 19-të e konfliktit mes Izraelit dhe Hamasit. Gjatë natës, të dyja palët qëlluan me raketa kundër njëra-tjetrës dhe situata u tensionua në Bregun Perëndimor pas pushtimit të një fshati palestinez nga kolonët hebrenj.
Forcat e Mbrojtjes së Izraelit kanë kundërshtuar pretendimet e Agjencisë së Kombeve të Bashkuara për Ndihmën dhe Punët për Refugjatët Palestinë (UNRWA) se karburanti do të mbarojë së shpejti në Rripin e Gazës.
“Me sa di unë, ka ende energji elektrike në Rripin e Gazës. Dhe ky raport është disi i diskutueshëm,” tha zëdhënësi i IDF, nënkoloneli Jonathan Conricus në një konferencë të drejtpërdrejtë, duke iu referuar raportit të UNRWA të 16 tetorit.
In preparation for the next stages of combat, the IDF operated in northern Gaza.
IDF tanks & infantry struck numerous terrorist cells, infrastructure and anti-tank missile launch posts.
The soldiers have since exited the area and returned to Israeli territory. pic.twitter.com/oMdSDR84rU
— Israel Defense Forces (@IDF) October 26, 2023
Ushtria izraelite njoftoi se “gjatë natës kreu sulme në Rripin e Gazës duke përdorur tanke”.
Sipas njoftimit të ushtrisë izraelite në rrjetin social X (Twitter), bastisja u krye si pjesë e “përgatitjes për fazat e ardhshme të betejës” dhe se “goditi celula të shumta terroriste, infrastrukturë dhe pika lëshimi të anti -raketave”. Pas aksionit, tanket u tërhoqën.
Më shumë se gjysma e rreth 220 pengjeve të mbajtura nga grupi palestinez Hamas kanë nënshtetësi të huaj dhe vijnë nga 25 vende të ndryshme, njoftoi sot qeveria izraelite. Mes tyre janë edhe 54 shtetas tajlandez, raporton Reuters.
Qeveria tha gjithashtu se 328 persona nga 40 vende u konfirmuan të vdekur ose të zhdukur pas sulmit të Hamasit të 7 tetorit në Izraelin jugor. Vlerësohet se gjithsej rreth 1,400 njerëz u vranë në atë sulm.
Kryeministri izraelit Benjamin Netanyahu tha se Izraeli ishte gati për një operacion tokësor, por nuk zbuloi se kur dhe si do të ndodhte.
“Ne jemi në kulmin e luftës për mbijetesë,” tha Netanyahu në një fjalim televiziv drejtuar kombit, duke shtuar se Izraeli ka dy synime para tij – të shkatërrojë Hamasin dhe të çlirojë pengjet e mbajtura nga Hamasi.
Ai tha se një vendim se kur ushtria do të hyjë në Gaza do të merret në një mbledhje të kabinetit të luftës të qeverisë dhe u bëri thirrje përsëri civilëve palestinezë të largohen nga pjesa veriore e Rripit të Gazës.
