Sindikata e Policisë së Kosovës nis sot në Gjakovë turneun tradicional të lojërave sportive i cili organizohet në shenjë nderimi dhe përkujtimi ndaj zyrtarëve policorë të rënë në krye të detyrës.
Lojërat do të mbahen sot dhe nesër tek palestra sportive ‘Shani Nushi’ në Gjakovë.
“Në hapje të këtij eventi sportiv pritet të marrin pjesë përfaqësues të lartë nga institucionet vendore, stafi menagjues i Policisë së Kosovës, familjarë të policëve të rënë në kryerje të detyrës dhe përfaqësues të sindikatave policore të vendeve nga rajoni dhe më gjerë”, thuhet në njoftim.
Pjesëmarrës do të jenë edhe ekipet sportive të cilat do të garojnë gjatë këtyre ditëve.
