Në kryeqytet është organizuar marsh në mbështetje të Palestinës. Organizata Kolektivi për Mendim dhe Veprim Feminist, ka organizuar marsh për tu solidarizuar me popullin palestinez.
Disa qytetarë kanë marrë pjesë në këtë marsh për të kërkuar drejtësi për Palestinën. Aktivisti Genti Behrami, ka thënë se dhuna që është duke e shkaktuar shteti i Izraelit ndaj popullit palestinezë është tragjedia më e madhe që ka ndodhur në shekullin e XXI.
Sipas tij, ky marsh kërkon ta kthejë vëmendjen tek terrori që populli palestinez po e përjeton aktualisht dhe synon të i masivizojë thirrjet e palestinezëve për ndalim të gjenocidit.
Ata kërkuan armëpushim të menjëhershëm.
