Në shkollën fillore ‘Tefik Çanga’ në Ferizaj, u zhvilluan ndeshjet e Play Off- it për ligën U15 për meshkuj.
Në gjysmëfinalen e parë u takuan ‘’Vushtrria’ dhe ‘Lidhja e Prizrenit’ dhe u zhvillua një ndeshje shumë interesante me shumë tension dhe rivalitet. Lojën e parë e fituan djemtë nga ekipi i Vushtrrisë ndërsa të dytën e fituan ata nga Prizreni. Prizrenasit gjithashtu fituan edhe në dyshe për të udhëhequr me rezultat 2:1. Lojën e tretë dhe të katërtën i fituan lojtarët e ekipit ‘’Vushtrria’ për ta përmbysur rezultatin në 3:2 dhe kështu u kualifikuan në finale të Play Off – it.
Në gjysmëfinalen e dytë, ‘’Ahmet Hoxha MK’ dhe ‘Shkolla Prizreni’ luajtën ndeshje mjaft të mirë. Arti Karabaxhak nga ‘’Shkolla Prizreni’ fitoi ndeshjen e parë. Rezultatin në 1:1 me fitore e barazoi Amant Sejdiu. Në dyshe lojtarët e ekipit nga Ferizaj, ‘Ahmet Hoxha MK’ pastaj shënuan fitore në dyshe dhe në ndeshjen e katërt, për ta fituar ndeshjen me rezultat 3:1 dhe për tu kualifikuar në finale.
Në finale, ‘’Vushtrria’ pati sfidë të vështirë kundër ekipit ‘Ahmet Hoxha MK’. Ibrahim Maloku nga ‘’Vushtrria’ shënoi fitore në ndeshjen e parë. ‘Ahmet Hoxha MK’ barazoi rezultatin në 1:1, falë lojës së jashtëzakonshme të Amant Sejdiut, i cili nga 2:0 e ktheu lojën në favor të tij dhe fitoi me rezultat 3:2. Në dyshe(Double), ‘Vushtrria’ fitoi me rezultat 3:1, për të udhëhequr me 2:1 në serinë e ndeshjeve. Megjithatë, Amant Sejdiu përsëri barazoi rezultatin 2:2 me një fitore tjetër mjaft të rëndësishme. Lojën e fundit Ibrahim Maloku fitoi me rezultat 3:0 kundër Olti Behluli, për të siguruar fitoren me rezultat përfundimtar 3:2 për ‘Vushtrrinë’ dhe shpalljen e tyre si kampionë të Ligës U15 për meshkuj.
Në ndeshjen për vendin e tretë u ndeshen dy ekipet nga qyteti i Prizrenit, ‘Shkolla Prizreni’ kundër ‘Lidhja e Prizrenit’. Ndeshjen e parë dhe të dytë i fituan lojtarët e ekipit ‘Shkolla Prizreni’ ndërsa në dyshe ata nga ‘Lidhja e Prizrenit’. Ndeshjen e katërt e fitoi lojtari nga ‘shkolla Prizreni’ dhe kështu ndeshja u mbyll me rezultat 3:1 për ‘’Shkolla Prizreni’’. /Kosovatimes/
