Parlamentari evropian: Vuçiq duhet të sigurojë stabilitetin e rajonit

Presidenti i Serbisë, Aleksandar Vuçiq, i cili bëri thirrje për zgjedhje të jashtëzakonshme për të mbetur në detyrë, duhet të sigurojë stabilitetin e rajonit, tha sot deputeti holandez i Parlamentit Evropian Thijs Reuten.

Shefi i misionit të vëzhgimit të zgjedhjeve të Parlamentit Evropian, Rojten, ka thënë se është i shqetësuar për fushën e pabarabartë të kushteve te lojës dhe mungesën e lirisë së shtypit në Serbi, transmeton Guardian.

Ai tha se që nga zgjedhjet e fundit presidenciale në prill 2022, për të cilat ai thotë se u mbajtën me mangësi të shumta dhe rezultuan me rezultate të pabarabarta, “gjendja ndoshta vetëm është përkeqësuar, veçanërisht në kontrollin e mediave”.

Duke komentuar lidhjen e Vuçiqit me liderin e Partisë Radikale Serbe, Vojsilav Sheshelja, në zgjedhjet lokale, Rojten shtoi se presidenti serb “duhet të bëjë një zgjedhje”.

“Nuk mund të vazhdosh të afrohesh me Rusinë, të jesh shkaku kryesor i paqëndrueshmërisë së vazhdueshme në disa vende fqinje, duke lejuar dhe mbështetur qëllimisht veprime dhe aktorë destabilizues, dhe në të njëjtën kohë të flasësh drejt BE-së dhe të marrësh miliarda mbështetje evropiane. BE, SHBA dhe Britania e Madhe duhet të vendosin një vijë”, tha ai.

Rojten shtoi se BE-ja duhet t’ia bëjë të qartë liderit serb i cili “e mohon ekzistencën e Marrëveshjes së Ohrit, sepse ai nuk dëshiron që Prishtina të formojë Unionin e Komunave Serbe në veri të Kosovës dhe refuzon të shmangë një angazhim real për normalizim”. se ai do të duhet të sigurojë stabilitetin e rajonit.