Kryetari i Komunës së Prishtinës, Përparim Rama, ka thënë se po vazhdojnë punimet me intensitet të lartë në ndërtimin e rrugës në nënkalimin e rrethrrotullimit në Lakërishte.
Sipas tij, kjo rrugë do të shkarkojë komunikacionin në rrugët “Bill Klinton” dhe “Tirana”.
“Po vazhdojnë punimet me intensitet të lartë në ndërtimin e rrugës në nënkalimin e rrethrrotullimit në Lakërishte, e cila do të shkarkojë komunikacionin në rrugët ‘Bill Klinton’ e ‘Tirana’”, ka shkruar Rama në Facebook. /Kosovatimes/
