Presidentja e Moldavisë Maia Sandu ka akuzuar Rusinë për “blerje” të votuesve përpara zgjedhjeve lokale, të cilat do të zhvillohen të dielën, më 5 nëntor.
Sipas Sandu, cituar nga Reuters, në dy muaj Moska transferoi një shumë të barabartë me gati pesë milionë dollarë për “grupet kriminale”. Midis tyre është edhe partia Euroskeptike Shor, e cila quhet pro-ruse. Në qershor 2023, gjykata e shpalli atë “jokushtetuese”, por në tetor e lejoi atë të kalonte në zgjedhje.“Rusia dikur blinte njerëzit që sundonin Moldavinë”, tha Sandu, duke iu referuar skandaleve të korrupsionit në qeverinë e mëparshme, shkruan Reuters. “Ajo nuk e ka më këtë mundësi. Tani ajo po blen shtetas moldavë,” vazhdoi Sandu.
Ajo i bëri thirrje policisë që të ndëshkojë autorët dhe votuesve të mbështesin bashkëpartiakët e saj në zgjedhjet e ardhshme, në mënyrë që të demonstrojnë miratimin e kursit aktual pro-evropian të vendit.
