Një video e reporteres spanjolle Paula Filgueras duke raportuar nga Galicia u bë virale së fundmi në mediat sociale.
Ajo po raportonte gjatë një stuhie të fortë dhe duke gjykuar nga videoja, gazetarja mezi qëndronte në këmbë, ndërkohë që po frynte era e fortë. Në të njëjtën kohë, ajo po luftonte duke mbajtur një mikrofon në njërën dorë dhe një ombrellë në tjetrën.
“Deti është shumë i trazuar, dallgët arrijnë lartësinë deri në nëntë metra, fryrjet e erës janë të forta”, ka raportuar Paula dhe drejtuesi në studio e ka falënderuar që ka mundur të ruajë lidhjen. Më pas ai i kërkoi asaj të lëvizte në një zonë më të sigurt, të mbrojtur nga shiu dhe era.
Gazetarja ka marrë vlerësime të shumta nga teleshikuesit në rrjetet sociale, të cilët i kanë shkruar se është shumë e guximshme dhe e përkushtuar ndaj punës së saj.
Kujtojmë se stuhia e fortë Ciaran goditi një pjesë të Evropës dhe mediat spanjolle shkruajnë se shkaktoi erëra me shpejtësi 168 km/h dhe reshje intensive në Galicia.
Enhorabuena al equipo de TVE en A Coruña @RTVEGalicia por este directo tan complicado. Paula y su cámara han decidido llevarlo a cabo y en ese punto de la costa. #BorrascaCiaran #CIARAN pic.twitter.com/1IuZcJxzB6
— Lluís Guilera (@lluis_guilera) November 2, 2023
