Ambasadori i Gjermanisë në Kosovë, Jorn Rohde, ka thënë se takimi i rregullt në Bruksel ndërmjet ministrave të Jashtëm të shteteve të Bashkimit Evropian me homologët e tyre nga Ballkani Perëndimor, është thelbësor.
Ai tha se plani i rritjes dhe raportet e progresit ofrojnë një bazë solide për dialogun, duke përshkruar një rrugë të qartë përpara dhe se tani ju takon vendeve të zbatojnë atë që është e nevojshme.
“Shkëmbimi i rregullt mes Ministrave të Jashtëm të BE-së dhe homologët e 6 vendeve nga Ballkani Perëndimor është thelbësor. Plani i Rritjes dhe raportet e Progresit ofrojnë një bazë solide për dialogun, duke përshkruar një rrugë të qartë përpara. Tani, u takon vendeve të zbatojnë atë që është e nevojshme”, ka shkruar ambasadori Rohde, në “X”.
Ndryshe, ministrat e Jashtëm të shteteve të Bashkimit Evropian janë takuar të hënën, më 13 nëntor, në Bruksel me homologët e tyre nga Ballkani Perëndimor, për të diskutuar për një varg çështjesh me interes të përbashkët.
Takimin tradicional u zhvillua nën udhëheqjen e përfaqësuesit të lartë për Politikë të Jashtme të BE-së, Josep Borrell.
