Kryetari i Partisë Demokratike të Kosovës (PDK), Memli Krasniqi gjatë vizitës në Bruksel, ka takuar komisionerin e Bashkimit Evropian për Fqinjësi dhe Zgjerim, Oliver Varhelyi, me të cilin kanë diskutuar për procesin e integrimit evropian të Kosovës.
Në këtë takim Krasniqi ka kërkuar nga komisioneri i BE-së, që Kosova të mos mbetet mbrapa në procesin integrues.
“Për shtetin dhe qytetarët tanë, është tejet e nevojshme që perspektiva evropiane të jetë e qartë dhe e prekshme. Për PDK-në, anëtarësimi i Kosovës në Bashkimin Evropian dhe institucionet euro-atlantike, është vizioni, misioni dhe rruga e vetme përpara”, deklaroi kryetari i PDK-së.
