Një i ri mbeti i plagosur rëndë në Dresden kur e dashura e prangoi në shtrat dhe i vuri flakën banesës.Ai disi ka arritur të arratiset në ballkon së bashku me kornizën e krevatit dhe zjarrfikësit e kanë transportuar me plagë të rënda në spital .
Mediat vendase raportojnë se i riu ka qenë i lidhur me pranga në shtrat dhe nuk ka mundur të dalë nga situata në të cilën ndodhej. Zjarri u përhap me shpejtësi dhe zjarrfikësja mbërriti shpejt në terren dhe e shpëtoi atë nga flakët me ndihmën e një shkalle të gjatë.
Zjarrfikësja e Dresdenit njoftoi në rrjetin social X se ka shpëtuar gjithsej dy persona duke përdorur një shkallë. Njërës prej tyre i është dhënë ndihma emergjente mjekësore dhe më pas është transportuar në spital. Ata nuk thonë se kush ishte personi tjetër që shpëtuan.
#Brand in @Stadt_Dresden #Striesen Wir sind vor Ort und haben die #Brandbekämpfung eingeleitet. ⚠️Die Gabelsbergerstrasse ist aktuell voll gesperrt⚠️ #EinsatzfuerDresden #Dresden #Feuerwehr #Rettungsdienst #Brandeinsatz pic.twitter.com/IJMtl7F6l1
— Feuerwehr Dresden (@FeuerwehrDD) November 16, 2023
– Banesa ishte e djegur plotësisht. Për shkak të tymit të dendur është dashur të zbatohen masa të zgjeruara të ventilimit – thuhet në njoftim.
Zjarrfikësit arritën të shuanin zjarrin pas rreth katër orësh. I gjithë dyshemeja është dëmtuar rëndë dhe është mbyllur përkohësisht.
Policia tha se zjarri ka gjasa të jetë nisur me një çakmak.
Vajza e dyshuar është një e njohur e burrit me të cilin ndodhej në banesë ditën e enjte. Një e re gjermane u arrestua gjatë ditës teksa po ikte nga policia. Ajo tashmë është marrë në pyetje dhe të premten do të dalë para gjyqtarit hetues.
Policia e ka akuzuar për vrasje të mbetur në tentativë.
Nuk dihet ende publikisht motivi dhe rrjedha e saktë e krimit.
