Qeveria greke synon të rrisë taksat turistike dhe të drejtojë të ardhurat e pritshme prej 600 milionë euro në një fond për riparimin e dëmeve të shkaktuara nga ndryshimet klimatike, tha kryeministri Kyriakos Mitsotakis.
Taksa turistike për fjetjet më të lira në apartamente do të jetë 1,5 euro në vend të 0,5 eurove të mëparshme për natë, ndërsa taksa për natën në hotelet me pesë yje do të rritet nga katër në dhjetë euro për natë .
Mitsotakis shtoi se prioritetet e këtij fondi do të jenë “mobilizimi sa më i shpejtë për të shpëtuar jetë në fatkeqësitë me të cilat do të përballemi në të ardhmen”, si dhe sigurimi i burimeve financiare për mbrojtjen kundër krizës klimatike.
Pas zjarreve shkatërruese në korrik dhe më pas në fund të gushtit, të cilat shkatërruan më shumë se 150,000 hektarë, Greqia u godit nga përmbytjet katastrofike në fillim të shtatorit.
