Sekretari amerikan i Shtetit, Antony Blinken, tha se në takimin e ministrave të Jashtëm të NATO-s, që u mbajt në Bruksel, është diskutuar se si të ndihmohet Ballkani Perëndimor për një të ardhme euro-atlantike.
Blinken, në një postim në platformën X, tha se “Aleanca e NATO-s është e bashkuar”, duke shtuar se është diskutuar edhe për thellimin e partneritetin me Ukrainën.
“Ne folëm për shumë tema në terren gjatë takimit të ministrave të Jashtëm, ku një nga pritshmëritë tona për Samitin e Uashingtonit, që do të mbahet në vitin e ardhshëm, është edhe ajo se si mund të jenë metodat që do të mundësohej thellimi i partneritetit tonë me Ukrainën, por edhe mënyra e mbështetjes lidhur me të ardhmen euroatlantike të Ballkanit Perëndimor”, ka shkruar Blinken në platformën X.
