Njëmbëdhjetë persona të lidhur me kompaninë e menaxhimit të mbetjeve Think Pink janë akuzuar për krime mjedisore në skandalin më të madh mjedisor të Suedisë në 50 vjet.
Sipas mediave suedeze, 11 persona nga kompania NMT “Think Pink” janë akuzuar për një sërë veprash kriminale në krimin më të madh mjedisor në Suedi.
Një kompani e menaxhimit të mbetjeve është akuzuar se kane gropuan dhe hedhur në mënyrë të paligjshme dhjetëra mijëra tonë mbeturina në 21 zona në 15 komuna në të gjithë Suedinë, duke çuar në zjarre, rrjedhje toksike dhe miliona në kosto për taksapaguesit.
Një hetim zbuloi nivele të dëmshme të arsenikut, dioksinës, plumbit, zinkut, bakrit dhe derivateve të naftës dhe tre vjet më parë pjesë të Stokholmit u mbuluan nga tymi i shkaktuar nga një zjarr në një deponi të braktisur të drejtuar nga kompania.
Në qendër të skandalit janë sipërmarrësja e suksesshme Bella Nilsson , e cila e quajti veten “mbretëresha e plehrave” dhe ish-bashkëshorti i saj Thomas Nilsson.
Të gjithë të akuzuarit e mohojnë krimin./Kosovatimes/
