Kryeministri i Kosovës, Albin Kurti në prag të ndërrimit të moteve, ka vizituar dy kryetarët e komunave të veriut, Lulzim Hetimin e Leposaviqit dhe Erdn Atiqin e Mitrovicës së Veriut. Këta dy kryetarë Kurti i quajti punëtor të dinjitetshëm, që po punojmë në të mirën e qytetarëve.
Kurti tha se para tri ditëve, kryetari i komunës së Leposaviqit, Lulzim Hetemi, doli nga zyra e tij dhe e vizitoi kryetarin e komunës veriore të Mitrovicës, Erden Atiqin. E ky, sipas tij, ia ktheu sonte vizitën në shtëpinë e Lulzimit ku ishin mbledhur familja e gjerë e tij.
Me Erdenin Atiqin të hetemi, siç tha Kurti, ishin edhe kryetari i Kuvendit të Kosovës, Glauk Konjufca dhe ministri i Punëve të Brendshme, Xhelal Sveçla.
“Kryetari Lulzim na tregoi për punët e mira që po bëhen në komunën e Leposaviqit, për rregullin e vendosur, planet zhvillimore dhe korrektësinë e praktikuar. Na njoftoi për aq shumë palë që i pret gjatë ditës, përditë, çdo orë. Ua dëgjon me vëmendje ankesat e kërkesat dhe i shqyrton ato me seriozitet e i trajton me shpejtësi. Serbishtja e tij nuk është aq e mirë, ashtu qysh nuk është e mirë as shqipja e serbëve në Leposaviq, mirëpo shumë mirë po merren vesh sepse e kanë qëllimin e mirë, interesimin e njëmendtë dhe interesin e përbashkët për mirëqenie dhe të drejta për të gjithë qytetarët pa dallim. Lulzim Hetemi është udhëheqës i drejtë dhe punëtor”, shkruan Kurti në Facebook .
Në festën e Vitit të Ri në gjirin familjar, siç tha ai, ishte dhe Kosovarja, vajza e kryetarit dhe Albaniku të dy mbesë e nip të dëshmores Fatime Hetemi, e që pardje u bënë pjesë e 325 rekrutëve të rinj të cilët iu bashkuan Forcës së Sigurisë së Kosovës.
“Pas kësaj vizite sonte në familjen e Lulzim Hetemit, ne u kthyem në Prishtinë për të vazhduar festën, ndërkaq ai u nis për në zyrën e tij në Leposaviq për të punuar dhe festuar me disa kolegë të tij si dhe me policët tanë e ushtarët e KFOR-it amerikan”, shkruan Kurti.
Viti 2023, sipas kryeministrit, ishte fort i veçantë për Lulzim Hetemin. “Nuk ia ka marrë mendja që do të bëhet kryetar komune e mandej aq më pak që do ta pres ndërrimin e motmoteve si kryetar komune. Kryetari i komunës së Leposaviqit, Lulzim Hetemi, është kryetari më i rëndësishëm, jo vetëm në Kosovë, jo vetëm i komunës. Gëzuar 2024!”, shkruan Kurti. /Kosovatimes/
