Kanë filluar xhirimet e filmit “Greed” të regjisores dhe skenaristes Salma Al Dehaybi, si dhe me producent Albinos Qerimi dhe bashkëproducent Petrit Ukëhajdaraj.
“Kanë nisur xhirimet e filmit që sjell historinë e një djali të ri të quajtur HIM i cili duke qenë dëshmitar i korrupsionit të Mbretit dhe lakmisë së njerëzve, detyrohet të mbështetet në instinktet e tij Darwiniane”, ka njoftuar Qendra Kinematografike e Kosovës.
Kasta e aktorëve përbëhet nga Tarek Yaacoub, Ilir Prapashtica, Shengyl Ismaili, Allmir Suhodolli, Kumrije Hoxha, Eli Gashi, Kushtrim Qerimi, Qendrim Kçiku, Naser Zymberi, Ali Demi, Unika Musa, Jon Ahmetaj, Rinor Ahmetaj, Blendon Ahmeti, Gjeni Basha dhe Artan Shukaju.
Xhirimet e filmit “Greed” do të përfundojnë me datën 12 janar. /Kosovatimes/
