Pensionimi si proces i ka vështirësitë e veta fizike. Mirëpo barra më e rëndë psikologjike konsiderohet jeta pas pensionit, atëherë kur marrëdhënia e punës është e shuar dhe nuk ka as institucione të cilat angazhohen për t’i mbajtur aktiv këtë kategori të shoqërisë.
“42 vite kam punuar në arsim me fëmijë, me ta u rrita e u plaka. E përjetova goxha rëndë pensionimin, thosha pasi e kanë marrë si kriter 56 vjeç me dal në pension, së paku diku tjetër do të punoja”, ka thënë Elvana Berisha, njëra nga të ftuarat e emisionit “Porta” në RTK.
Nga ana tjetër, Bahtije Gjinovci Sejdiu ka përmendur vështirësitë financiare dhe të mirëqenies të cilat shfaqen gjatë pensionit.
“Një pensionist me 100 euro si ia del? Ka nga ata që jetojnë vet, janë të shqetësuar sepse duhet të jetë dikush më i fortë, mos sëmuren e nuk ka kush (të përkujdeset)”, ka deklaruar ajo, transmeton RTKlive.
E ka nga ata të cilët kanë përjetuar pensionimin e detyruar, për shkak të mbylljes së institucioneve gjatë periudhës së pasluftës.
“Unë kam dal herët në pension, ka qenë pension i dhunshëm. Ndërmarrja jonë është mbyllur në 2006, ishte vështirë sepse ne ishim në moshën kur do të mund të kontribuonim më së shumti. Zgjohesha në mëngjes dhe e pyesja veten sot çka do të bëj”, ka thënë Igballe Ballanca.
