Kosova do të jetë serish nikoqire e stërvitjes më të madhe ushtarake ndërkombëtare “Defender Europe 2025″. Lajmin e kanë konfirmuar për RTK-në zyrtarë nga ministria e Mbrojtjes.
Ushtrimi fushor “Defender Europe”, është ushtrim vjetor i shkallës së gjerë që drejtohet nga Ushtria e Shteteve të Bashkuara të Amerikës për Evropë dhe Afrikë.
“Defender Europe” është ushtrimi më i madh ku për herë parë Kosova ka marrë pjesë në vitin 2021, duke dëshmuar gatishmërinë dhe kapacitetet e saj ushtarake.
Kosova vitin e kaluar ishte përjashtuar nga ushtrimi “Defender Europe 2023” si masë e Shteteve të Bashkuara të Amerikës pas tensioneve në veri të vendit.
Zyrarë të MInistrisë së Mbrojtjes patën thënë se të gjitha objektivat e FSK në ‘Defender Europe 2023’ janë përmbushur, i vetmi aktivitet që ishte anuluar vitin e kaluar në këtë ushtrim ka qenë DV DAY, dita kur para vizitorëve të shquar do të bëhej ekzekutimi praktik i ushtrimit si rikapitullim i të gjitha aktiviteteve që ishin realizuar gjatë gjithë ditëve të ushtrimit.
