Aleanca Kosovare e Bizneseve dhe Asociacioni Euro – Aziatik për Biznes, Kulturë dhe Shoqëri me seli në Sofie të Bullgarisë nënshkruan marrëveshje bashkëpunimi dhe mirëkuptimi me qëllim të rritjes të shkëmbimeve tregtare në mes bizneseve të dy shteteve.
“Kryetar i AKB-së, Agim Shahini, tha se ky është një moment i ri për bizneset prodhuese vendore pas liberalizimi të vizave të gjejnë partner dhe konsumatorë në Bullgari dhe BE sepse produktet vendore janë më kualitet të lartë dhe e meritojnë të jenë pranë konsumatorëve të Evropë dhe më gjerë”, thuhet në njoftimin e tyre.
Ndërkaq kryetari i këtij Asociacioni, Veselin Koshev, ka shprehur dëshirën e tij për bashkëpunim me Kosovën në drejtim të investimeve në fushën e biznesit në Ballkan dhe Evropë.
“Ne kemi besim në AKB dhe bizneset e Kosovës të cilat disa prej tyre janë brend ndërkombëtar dhe të fuqishëm”, ka deklaruar Koshev. /Kosovatimes/
